Монголын уул уурхайн хамгийн том "Mongolia Mining" 2016 олон улсын уул уурхайн үзэсгэлэнгийн нээлт Буянт-Ухаа Спортын ордонд болж байна. "Mongolia Mining" 2016 үзэсгэлэнд дэлхийн орнуудыг төлөөлөн 120 гаруй уул уурхайн шилдэг нийлүүлэгч компаниуд оролцож байна. Үүнд БНХАУ, ОХУ, Америкийн Нэгдсэн Улс, Япон, Нидерланд, Швед, Казахстан, Чех, Австрали, Беларусь, Герман, Их Британи, Турк, Солонгос, Франц зэрэг орнууд техник, технологио дэлгэжээ. Үзэсгэлэнд оролцогчид хамгийн сүүлийн үеийн техник технологио сурталчлан таниулж, ханган нийлүүлэгч, үйлдвэрлэгч нар өөрсдийн арга туршлагаа солилцох боломжийг уул уурхайн чиглэлийн бүхий л компаниудад олгодог онцлогтой. “Mongolia mining 2016” үзэсгэлэн дөрөвдүгээр сарын 8-ныг дуустал үргэлжилнэ.
А.САЯН
