ОХУ-ын Владивосток хотноо болж буй Дорнын эдийн засгийн чуулганы хоёр дахь өдөр буюу өчигдөр Монгол Улсын Ерөнхийлөгч Х.Баттулга, ОХУ-ын Ерөнхийлөгч Владимир Путин болон Япон улсын Ерөнхий сайд Шинзо Абэ нар Жигоро Каногийн нэрэмжит олон улсын өсвөрийн жүдогийн тэмцээнийг үзэж сонирхжээ.
2017 оноос хойш зохион байгуулагдаж байгаа тус тэмцээнийг Дорнын эдийн засгийн чуулганы спортын хөтөлбөрийн хүрээнд Путин болон Абэ нарын ивээл дор зохион байгуулдаг аж. Тэмцээнд Орос, Монгол, Япон, Хятад, Солонгосын тамирчид оролцсон байна.
Шилдэг тамирчинд Японы жүдогийн холбооны Ерөнхийлөгч, Олимпийн аварга, Дэлхийн дөрөв, Японы есөн удаагийн аварга Ямашитогийн нэрэмжит шагналыг гардуулдаг байна. Тэмцээний төгсгөлд гурван улсын төр, засгийн тэргүүн тамирчдад шагнал гардуулсан байна.
Гэрэл зургуудаас сонирхуулъя. Эх сурвалж: ТАСС ФОТО
