Тог тасарснаас үүдсэн нөхцөл байдлын талаар Эрүүл мэндийн яамнаас мэдээлэл хийлээ.
Эрүүл мэндийн байгууллагуудын гамшгаас хамгаалах төлөвлөгөөний дагуу эрчим хүчний нэмэлт нөөцөө ашиглан эмнэлгийн тусламж үйлчилгээг хэвийн үзүүлж байгаагаа мэдээлсэн юм. Тухайлбал, УНТЭ-т бүдүүн гэдэсний хавдрын мэс засал, УГТЭ-т бөөрний мэс заслыг цахилгааны нэмэлт эх үүсвэрийг ашиглан амжилттай хийжээ. Мөн нийслэлийн амаржих газруудад 28 эх, ЭХЭМҮТ-д 9 эх хэвийн амаржсан. 2 эх кесарев хагалгаанд орсон.
Энэ үеэр 5 аймагт цахилгаан тасарсанаас Сүхбаатар аймагт 0315 цагийн байдлаар цахилгаан холбогдоогүй боловч эмнэлгийн тусламж үйлчилгээ хэвийн явагдаж байна. Бусад аймгуудад цахилгаан хэвийн, эмнэлгийн тусламжийн үйл ажиллагаа хэвийн байна.
Б.ХУЛАН
