Нүүр   /   НИЙТЛЭЛ

2018-09-20  

Монгол Улсын дөрөв дэх Ерөнхийлөгч Ц.Элбэгдорж Балдорж шагнал гардуулах ёслолд оролцоо. Энэ нь Ерөнхийлөгчийн ажлаа өгснөөс хойш анх удаа олон нийтийн арга хэмжээнд оролцсон явдал юм.

Тэрээр Балдорж шагналын дэд байрт шалгарсан МҮОНР-гийн сэтгүүлч Ж.Золзаяа, Г.Батзаяа нарт шагналыг гардуулж өгөх үүрэг хүлээсэн юм.

Ингэхдээ “Та бүхэнд энэ өдрийн түмэн амар амгаланг айлтгая. Намайг Монголын Цахиагийн Элбэгдорж гэдэг. Би цэргийн сэтгүүлч мэргэжилтэй. Монголын сэтгүүл зүйн шилдгүүдийг тодруулахад манлайлах үүрэгтэй сүүлийн 10 жил явж ирсэн Балдорж сангийнхаа үйл ажиллагаагаар үргэлж бахархаж явдаг гэдгээ цохож хэлье. Аливаа салбарт манлайллыг хэрэгжүүлэхэд хэцүү. Тэр тусмаа сэтгүүл зүйн салбарт. Балдорж шагнал бол манай сэтгүүл зүйн салбарт хүлээн зөвшөөрөгдсөн ийм шагнал. Нэгдүгээрт хүлээн зөвшөөрөгдсөн. Хоёрдугаарт мэргэжлийн. Гуравдугаарт сэтгүүл зүйн манлайллыг авч яваа ийм шагнал. Балдоржийн хайрт хань, хүүхдүүд санг үүсгэн байгуулагчид, идэвхтэй оролцдог шүүгчид, бүх хүмүүст дахин ин сэтгэлийнхалуун баяр хүргэж хамгийн сайн сайхныг хүсэн ерөөе. Балдорж санийн 100 дахь шалгаруулалт яг энэ үдэш шиг улам өргөн дэлгэр олон зуун жилээр үргэжл өөдөө дэвжин дэгжиж байхыг ерөөе” хэмээн хэллээ.

 

 

 

О.НАНСАЛМАА 

 

АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна

ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?

ТИЙМ

ҮГҮЙ

Санал өгөх