Жил бүрийн энэ үед иргэд бугын эвэр түүх, тээвэрлэх, худалдах, худалдан авах тохиолдол ихээр гардаг байна. Хэрэв бугын эвэр түүх, тээвэрлэх, худалдах, худалдан авсан бол 3-5 жилийн ял ногдуулах, мөн хөдөлмөрийн хөлсний доод хэмжээг 2-3 дахин нэмэгдүүлсэнтэй тэнцэх хэмжээний мөнгөн торгууль ногдуулах тул хориглосон хугацаанд ан агнуур хийхгүй байхыг БОНХАЖЯ-наас анхаарууллаа. Ойн тухай хуулийн 3.17 дүгээр заалтад гуравдугаар сарын 10-наас зургадугаар сарын 10 хүртэлх хугацаанд бугын эвэр түүхийг хуулиар хориглодог. Түүнчлэн төвийн болон орон нутгийн хэвлэл мэдээллийн хэрэгслээр "Бугын эвэр, чив сүүл авна" гэсэн зарын дагуу иргэд ой хээрт зорчих хөдөлгөөн олширч, түймэр гарах нөхцөлийг бүрдүүлж байгаа аж. Иймд ард иргэдийг зохих хуулиа дагаж мөрдөн, болзошгүй аюул гаргахгүй байхыг уриаллаа.
А. САЯН