Уул уурхайн сайд Д.Сумьяабазар ОХУ-д айлчлах үеэрээ ийм тохиролцоонд хүрсэн байна. Эрдэнэс ТТ-ийн нүүрсийг дан ганц Хятад улс руу экспортолдог, нэг улсаас хамааралтай байдал энэ гэрээ үйл ажиллагаа болж хэрэгжсэнээр зогсоход ойртсон байна.
Таманийн боомт нь ОХУ-ын Краснодарийн дүүрэгт орших Таманийн арал дээр оршдог юм байна. Волга мөрний хөвөөнд орших энэхүү порт нь 2015 онд 12,3 сая тонн бараа бүтээгдэхүүн экспортолж, экспортын хэмжээгээрээ ОХУ-ын хэмжээнд 15-р байр луу дэвшсэн гэдэг мэдээллийг өгч байна. Нефть, нефтен бүтээгдэхүүн, устөрөгчийн хий, аммиак, төмөр, ган, гангийн бүтээгдэхүүн, үр тариа зэргийг голчлон тээвэрлэсэн байна. Энэ боомтыг улам хөгжүүлж, ОХУ-д 2,3-д ордог томоохон боомт болгон хөгжүүлэх зорилгыг өмнөө тавьсан гэдгийг тус боомтын удирдлага онцолсон байна.
Өнөөгийн хүчин чадлаа 5-6 дахин нэмж, жилдээ 70 сая тоннд хүргэснээр ОХУ-доо эхний 3-т багтах томоохон боомт болж хөгжихээр төлөвлөжээ. Эргийн усны гүн нь 20-25 метр, 300 метрийн урттай, 50 метрийн өргөнтэй, 220 мянган тоннын даацтай хөлөг онгоц боомтоор чөлөөтэй үйлчлүүлдэг юм байна. Ийм нэгэн далайн гарцыг Монгол улс ашиглахаар санамж бичигт гарын үсэг зурлаа.
/ Хар далайн эрэг дээр орших Тамань боомт /
Д.МАНДАХ