БОНХАЖЯ-аас хуулиар хориглосон хугацаанд ан амьтан агнахгүй байхыг иргэдэд анхаарууллаа. Хавар болсонтой холбогдуулан хэвлэл мэдээллийн хэрэгслээр бугын эвэр, чив, сүүл авна гэсэн зар ихээр зарлагдах болсонд уг яамны зүгээс анхаарал хандуулж эхлээд байна. Иргэдэд хууль бусаар агнасан амьтны эд зүйлийг худалдан авахгүй байхыг тус яамнаас анхаарууллаа. Мөн хуурайшлын үе ирсэнтэй холбоотойгоор хөдөө явах, уул хаданд авирахдаа гал түймрийн аюулаас урьдчилан сэргийлэхийг анхаарууллаа. Учир нь түймрийн улмаас хоёр га ой, 39350 га хээр, нийт 39352 га талбай, хоёр айлын гэр, 40 тооны бог мал шатсан байна. Ус цаг уурын орчны шинжилгээний газраас сансрын хиймэл дагуулын зургаар 7 удаагийн түймрийг илрүүлж, хуурайшилтын зэргийг тогтоож ОБЕГ руу дамжуулдаг болоод байгаа юм. Ингэснээр хаана зориудаар хур тунадас оруулах вэ гэдгийг тогтоож, үүлэнд нөлөөлөх арга хэмжээ зохион байгуулахаа БОНХАЖЯ-аас мэдээллээ.