"Усны хөгжил, дэвшил" хэлэлцүүлэгт Монгол улсын Ерөнхийлөгчийн ТГ-ын дарга З.Энхболд оролцож, ингэж хэлсэн байна. "Монгол улсын өндөр уулын мөнх цас, мөсөн голын нөөц багасаж, 2017 оны байдлаар 391 нуур тойром, 344 гол горхи, 760 булаг шанд ширгэж, цөлжилт нэмэгдсэн" гэх тоо баримтыг дурдаад усны нөөц шавхагдаж буйг анхаарууллаа.
Энэ бүхэн нь төр, засгийн усны бодлого алдагдсаныг тэрбээр онцолж, усаа хамгаалах, нөөцлөх, дахин ашиглах, говийн бүс нутгийг усжуулах, уул уурхайн салбарт ашиглаж буй усны зохилтой хэрэглээг хангах, хянах зэрэг асуудлыг төр хяналтандаа авч, цогцоор нь хариуцаж, нэгдсэн бодлого гаргаж, оновчтойгоор төлөвлөн хэрэгжүүлэх, шинэчлэл өөрчлөлтийг зайлшгүй хийх шаардлага үүссэнийг нэмж хэлэв.
Ц.ХИШГЭЭ
