Ингэж хөтлөгч Анужингийн экс нөхөр А.Эрдэнэбат олон нийтэд зарлалаа. Ах дүү аваргуудын үүсгэн байгуулсан Үндэсний Хөрөнгө Оруулалтын банкаар дамжуулан "Лайв энержи группийн" захирал А.Эрдэнэбат Хятадаас 10 сая долларын хөрөнгө оруулалт татсан байна. Хятадын алдарт жүжигчин, Хуан Жү Гэг киноны гол дүр Жао Вэйгийн эр нөхөр Хуан Ёу Лун гэгч А.Эрдэнэбаттай гэрээ байгуулан 10 сая ам.долларыг хоёр хуваан шилжүүлсэн байна. А.Эрдэнэбат энэ тухай мэдэгдээд, энэ хөрөнгө оруулалтаас ганц ч ам.доллар аваагүй болохоо нийтэд зарлалаа. Хөрөнгө оруулагчид түүнтэй гэрээ байгуулсан тул, 15 сая ам.долларыг А.Эрдэнэбатаас нэхсэн нь түүнийг ийнхүү хэвлэлд хандахад хүргэжээ. Тэрбээр,
- "Энэ хөрөнгө оруулалтаас ганц ч ам.доллар надад оногдоогүй. Бүх мөнгийг их аварга Дагвадорж, түүний ах Монгол улсын аварга, УИХ-ын гишүүн Д.Сумъяабазар нар захиран зарцуулсан " гэж хэвлэлийн бага хурлын үеэр мэдэгдлээ.
Түүнээс 15 сая ам.доллар нэхэж байна. Харин А.Эрдэнэбат, энэ мөнгийг хариуцах хүн нь ах дүү хоёр аварга гэж хэллээ. Ийнхүү Д.Долгорсүрэн зааны нэр алдраа цуурайтуулсан хоёр аварга хүү А.Эрдэнэбаттай шүүхдэлцэхээр болжээ. А.Эрдэнэбатын компани нь уул уурхайн салбарт 13 жил тасралтгүй үйл ажиллагаа явуулж байгаа юм байна. Шүүхээр, хэн буруутайг нь тогтоох үлдлээ.
Ц. БАТТУЯА