ХҮНИЙ ТАРХИНЫ ХЭЛБЭРТЭЙ САНСРЫН БИЕТ ДЭЛХИЙД ОЙРТОЖ ИРНЭ

Ирэх сард буюу 11 сарын 11-нд хүний гавлын ястай төстэй хэлбэртэй астериод дэлхийд ойртож ирэх талаар LIVE SCIENCE сэтгүүлд мэдээлжээ. Уг сансрын чулуулаг биетийг  “2015 TB145”  хэмээн тогтоогоод байгаа юм. Манай гарагт 38 сая км зайд дөхөж ирэх бөгөөд энэ нь Дэлхийгээс Нар хүртэлх зайны ¼ юм. Ер бусын хэлбэр дүрстэй уг биетийг эрдэмтэд 2015 оны намар анх олж ажигласан байна. Тухайн үед уг астероид 10 дугаар сарын 31-ний өдөр Дэлхийн дэргэдүүр гарч өнгөрсөн учраас “халлоуны астероид” гэдэг нэртэй болжээ.

Сансрын биет манай гарагт 486 мянган км ойртох үед нь одон орны физикчид зургийг нь авсан байна. Өөр нэгэн онцлогийг дурдвал, 2015 TB145 астероидыг “сөнөсөн сүүлт од” гэж НАСА-гийн судлаачид үзэж байгаа бөгөөд учир нь, Наранд олонтоо дөхөж ирдэг учраас уг биет сүүлгүй болсон аж. Нөгөөтэйгүүр, уг астероид нь өөр дээрээ бууж буй гэрлийн 94 хувийг шингээдэг учраас хав хар өнгөтэй гэнэ. Одоогоор “халлоуны астериод” хүний гавлын ясан хэлбэрээ алдсан байхыг эрдэмтэд үгүйсгэхгүй байна. Дараагийн удаад 2082 оноос нааш уг сансрын биет Дэлхийд ойртож ирэхгүй ажээ.

Б.ХУЛАН