“Эрдэнэт үйлдвэр” ХХЗ-ийн захирал Ц.Даваасүрэнгийн дэмжлэгээр Өмнөговь аймгийн Гурвансайхан ууланд буга нутагшуулахаар болжээ. Тус аймгийн ИТХ, Засаг даргын тамгын газраас “Сайханы буга” төслийг хэрэгжүүлэхээр болсон ч санхүүгийн байдлаас шалтгаалан түр зогсоод байсан юм. Төслийг албан ёсоор эхлүүлж, үүний хүрээнд 10 гаруй халиу бугыг нутагшуулахаар болжээ. Хустайн нурууны байгалийн цогцолборт газрын захирал доктор Н.Банди, МУИС-ийн доктор, багш н.Суран нар Аймгийн ИТХ-ын хүсэлтээр суурь судалгааг хийж Гурвансайхан ууланд Халиун буга нутагших бүрэн боломжтойг тогтоосон байна. 2008 онд Гурван сайхан ууланд нэг Согоо ирж нутагшсан талаар тухайн үед нутгийн малчид мэдээлж байсан бөгөөд 2016 оны 3 дугаар сард Гурван сайхан уулын Рашаан Шармаань гэдэг газраас бугын унасан эвэр олджээ.
А.САЯН