С:-Монгол улсад зохиогдож буй Поверлифтингийн Мастеруудын ДАШТ-ний М-1 ангилалд дэлхийн аварга болсонд баяр хүргэе.
Б:-Дэлхийн багш нарын 24, Монголын багш нарын 52 дахь өдөр ( жил) Мастеруудын ДАШТ-нд түрүүлж, дэлхийн аварга болсондоо сэтгэл өндөр байна. Би олон шавьтай жирийн нэг тооны багш хүн. Хичээллээд 8 дахь жилдээ дэлхийн аварга боллоо. Намайг дэмжсэн нийт үзэгчид, "Шинэ өнөөдөр" сургуулийн хамт олондоо талархал илэрхийлье.
C:-Хэвтээ шахалтанд 155 кг шахсан дээд амжилтаар Та М-1 ангилалд түрүүллээ. М-1 ангилал гэдгээ тодруулж хэлнэ үү?
Б:-Би бас ширээний теннис сонирхдог. Ойлгоход хялбараар нь , ширээний теннисээр зүйрлэвэл 40-49 насны ангилал гэж ойлгож болно.
C:-Мастеруудын ДАШТ-д олон орны тамирчид оролцож, өрсөлдөөн ихтэй байх шиг?
-Медалийн хур ч их бууж байна. -Дэлхийн 23 орны мастерууд оролцож буй. Монголоос гэхэд л 30 орчим мастер хүчээ үзэж, олон ч дэлхийн аварга мэндэлж байна. Миний хувьд хэвтээ шахалтаас гадна гурван төрөлтөд оролцож хүрэл медалиар энгэрээ давхар мялаасан.
C:-Өмнө нь ДАШТ-д оролцож байв уу?
Б:-Үгүй. Олимпийн бус төрөл гэдэг утгаар нь төрөөс бага дэмжинэ. Монголд зохиосон л тэмцээн уралдаанд алгасахгүй оролцохыг хичээдэг. Тэр жил Монгол улсад зохиосон Азийн АШТ-ээс мөн хэвтээ шахалтаар мөнгөн медаль хүртэж байсан. Японы тамирчны ард орсон.
C:-Хувийн амжитаасаа хуваалцвал?
Б:-2017 оны насанд хүрэгчдийн улсын аварга. Өөрийн насныхаа бол 5 удаагийн аварга. -Поверлифтингийн хөгжлийн тухайд? -Монгол хүний амжилт үзүүлэх спорт. Өнөөдөр ч гэсэн үүнийг баталж байна.Гэмтэл авах магадлал бас өндөр. Манай улсад 2000 оны эхэн үеэс хөгжиж эхэлсэн түүхтэй.
C:-Хамгийн дээд амжилтыг нэрлэвэл?
Б:-Содномпэлжээ маань пара Олимпоос хүрэл, ДАШТ-ий аварга. Бид нэг үеийн тамирчид. Тухайн үед бид хоёр нэг жинд буюу 59 кг-ийн жинд өрсөлддөг байв. УАШТ-ээс тэр алт, би хүрэл авч байсан. Одоо бол би 66- Содном маань жин өгссөн.
C:-Сэтгэгдлээсээ хуваалцсан танд талархлаа. Спортын өндөр амжилт хүсье .
О.НАНСАЛМАА
