2018 оны үндэсний бөхийн өсвөр үеийн улсын аварга шалгаруулах тэмцээн ирэх бямба, ням гарагт буюу 10 дугаар сарын 13, 14-нд Орхон аймгийн төв Эрдэнэт хотод болно.
Тус тэмцээн гурван насны ангиллаар болох бөгөөд 21 аймаг, Улаанбаатарын 9 дүүргийн 30 хүүхэд уран мэхээ уралдуулан хүчийг үзэн барилдана. Тодруулбал, 16, 17, 18 гэсэн гурван насны ангилалтай иргэний үнэмлэхээ гардсан хөвгүүд барилдах эрхтэй. 2002 оны 10-р сараас-2003 оны 10-р сард төрсөн хөвгүүд бага насанд, 2001.10-2002.10 сард төрсөн бол дунд насанд, 2000.10-.2001.10 сард төрсөн хөвгүүд дээд насанд тус тус барилдана.
Энэ жилийн хувьд улсын хошой аварга Дарханы Нацагдоржийн Чиеэгүнбаатар аварга цолоо гурав дахиа хамгаалахад ойрхон байгаа юм. Бага онооны системээр шилдэг багийг гурван насны нийлбэр дүнгээр тодруулна.
О.ДАШ
