Энэ оны 10 дугаар сарын 05-ны өдөр Баянгол дүүргийн 12 дугаар хорооны нутагт үйл ажиллагаа явуулдаг нэр бүхий зочид буудалд хүний амь насыг хохироон хэргийн газраас зугтаасан хэрэг гарсан юм. Тус хүнд гэмт хэргийг Баянгол дүүрэг дэх Замын цагдаагийн хэлтэс, тус дүүргийн Цагдаагийн нэгдүгээр хэлтсийн алба хаагчидтай хамтран гудамж замд хяналт шалгалт хийж байх хугацаандаа мэргэжлийн өндөр ур чадвар гарган шуурхай шалгаж илрүүлжээ. Одоогоор хэргийг Баянгол дүүргийн цагдаагийн нэгдүгээр хэлтэст шалгаж байна.
Түүнчлэн тус албаны харьяа хэлтэс, нэгжийн алба хаагчдаас энэ оны 9 дүгээр сараас өнөөдрийг хүртэл хугацаанд 60 гаруй гэмт хэрэгт сэрдэгдсэн этгээд, урьд нь цагдаагийн байгууллагад бүртгэгдээгүй 30 гаруй гэмт хэргийг мэргэжлийн ур чадвар гарган илрүүлэн, харьяа байгууллагуудад шилжүүлэн ажилласан байна.
