ХУУЛЬ БУС ҮР ХӨНДӨЛТӨӨС ҮҮДЭЖ 21 ЭМЭГТЭЙН БИЕИЙН БАЙДАЛ ХҮНДЭРЧЭЭ

2018-10-11  

Нийслэлийн мэргэжлийн хяналтын газраас хууль бус үр хөндөлтийн байдалд урьдчилан сэргийлэх хяналт шалгалт хийсэн дүнгийн талаар мэдээллээ. Хууль бус үр хөндөлтийн тохиолдлыг илрүүлэх, тэмцэх, давтан болон аюултай үр хөндөлтөөс сэргийлэх бууруулах зорилгоор Нийслэлд үйл ажиллагаа явуулж буй эх барих, эмэгтэйчүүдийн өвчний оношилгоо, эмчилгээний чиглэлээр ажилладаг хувийн хэвшлийн 46 эмнэлэгт хяналт, шалгалт хийжээ. Шалгалтын дүнгээс үзвэл үр хөндөлт хийлгэж байгаа эмэгтэйчүүдийн 70 хувь нь 20-30 насныхан байгаа аж.

Энэ оны эхний найман сарын байдлаар л гэхэд хууль бус үр хөндөлтийн улмаас биеийн байдал нь хүндэрч, Эх хүүхдийн эрүүл мэндийн төв болон Амгалан амаржих газар хандсан 21 тохиолдол бүртгэгдсэн байна.

Дээрх 21 тохиолдлын 14 нь гар дээрээс үр зулбуулах эм худалдан авч уусан байжээ. Тодруулбал,

  • Эрээнээс 3,
  • Интернэтээр 2,
  • Нарантуул захаас 3,
  • Зүүн хараагийн захаас 4,
  • Хувь хүнээс 2 байгаа аж.

Мөн үр хөндөлтийн улмаас хүндрэл өгч, умай цоорсон 2 тохиолдлыг мэс заслын аргаар эмчилжээ. Өөрөөр хэлбэл тухайн хоёр эмэгтэй умайгаа авахуулсан байна. 

Угтаа бол үр хөндөлтийг тусгай зөвшөөрөлтэй, магадлан итгэмжлэгдсэн, эмнэлэг явуулах ёстой байдаг. Гэтэл  Баянзүрх дүүрэгт байрлах Энхийн төлөө эмнэлэгт Н гэх эмэгтэй үр хөндөлтөд орж, хүндрэл үүсэн умайгаа авахуулсан харамсалтай мэдээ байгаа юм. Иймээс тус эмнэлгийн тусгай зөвшөөрлийг цуцлуулахаар хандсан байна.

 

 

 

Б.ХУЛАН 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга