"Монголын эмэгтэйчүүдийн холбоо”-ны ээлжит хурал болж өчигдөр Ерөнхийлөгчөө сонгожээ. Холбооны ерөнхийлөгчөөр Б.Оюунгэрэл сонгогдлоо. Тэрээр эмэгтэйчүүдийн хүчирхийллийн эсрэг хүчтэй дуу хоолой болохоо илэрхийлсэн юм. “Монголын эмэгтэйчүүдийн холбоо”-ны ерөнхийлөгчид дөрвөн бүсгүй нэр дэвших хүсэлтээ ирүүлсэн байна. Үүнд хуучин ерөнхийлөгч Ж.Эрдэнэчимэг, Н.Золзаяа, Б.Оюунгэрэл болон Д.Энхжаргал гэсэн нийгмийн идэвхтэй манлайлагч эмэгтэйчүүд байлаа.Нэр дэвшүүлэлт эхлэхэд Н.Золзаяа болон Д.Энхжаргал нар нэрээ татсанаар Ж.Эрдэнэчимэг болон Б.Оюунгэрэл нар сонгуульд өрсөлдсөн байна.
Монголын эмэгтэйчүүдийн холбооны 12 дугаар чуулганд 143 төлөөлөгч санал өгснөөс 61 төлөөлөгч Ж.Эрдэнэчимэгт, 82 төлөөлөгч Б.Оюунгэрэлд саналаа өгснөөр “Монголын эмэгтэйчүүдийн холбоо”-ны шинэ ерөнхийлөгч болжээ.
