Жижиг дунд үйлдвэрийн сангаас УИХ-ын ихэнх гишүүд зээл авсан байсан нь баримтуудаар батлагдсаар байна. Тэд хэдий журмынхаа дагуу зээл авсан гэсэн байр суурьтай байгаа ч жижиг дунд үйлдвэрлэлээ хөгжүүлэх гэж чадан ядан амьдарч яваа иргэдийнхээ өмнүүр дайрах нь ёс зүйгүй үйлдэл юм. Үүнээс гадна гишүүдийн ихэнх нь тэрбум гаран төгрөгийн зээлтэй байгаа нь албан тушаалаа урвуулан ашиглаж тус зээлд хамрагдсан байгааг батлаад байгаа юм.
Тэгвэл яг одоо Гэр хорооллын иргэдийн хөдөлгөөний зүгээс Сүхбаатарын талбай дээр жагсаал зохион байгуулж байна. Тэдний гол шаардлага нь УИХ-ыг тарахыг шаардаж, иргэдийн гарын үсгийг цуглуулан өргөн барих аж. Уг жагсаалыг өнөөдрийн 17:00 цаг хүртэл зохион байгуулах юм.
О.НАНСАЛМАА