Монгол улсын ерөнхийлөгч Х.Баттулга энэ УИХ-ыг тарах ёстой гэж үзэж байна. 64-ийн бүлэг сайн дураараа тарахгүй учир АН-ын 9 гишүүнээр "хөшилт" хийж үзэх оролдлого хийлээ. МАН-аас бусад гишүүд нь УИХ-аасаа татгалзчих юм бол энэ бол УИХ биш жинхэнэ утгаараа МАН-ын Их Хурал болж хувирна.
Баасанхүү, Жавхлан, тэгээд АН-ын 9 гишүүн УИХ-ын гишүүнээсээ татгалзаж, ард иргэдтэйгээ нэгдэж, талбай дээр гарч тэмцлээ өрнүүлбэл 1990 онд Улс төрийн товчоог огцруулсан шиг өнөөдрийн УИХ-ыг тараах боломжтой гэсэн тооцоолол хийсэн байна. Үүнийг УИХ-ын гишүүн Батзандан дэмжсэн.
Харин АН-ын дарга С.Эрдэнэ тэргүүтэй бусад гишүүд нь хүлээн авах боломжгүй гэх байх суурийг ил тод илэрхийлж байна. Нэгдүгээрт, асар өндөр үнээр олдсон УИХ-ын гишүүний сэнтийнээс зүгээр сайн дураараа буух хүсэл тэдэнд алга, хоёрдугаарт, жирийн гишүүн боллоо гэхэд тэмцлийн эрч хүч нь улам суларна гэж тэд үзэж байна. УИХ-ын гишүүний хувьд мэдээлэл хүсэхэд өгөхгүй байгаа тохиолдолд, УИХ-ын гишүүнээсээ буусан тохиолдолд огт мэдээлэлгүй болно гэж гишүүд давхар болгоомжилж байна.
Ц.ХИШГЭЭ
