Японы мэргэжлийн сумо бөхийн 11 дүгээр сарын тэмцээн Кюүшюү башёгийн 14 дэх өдөр ганц унаатай энэ башёг тэргүүлж байсан Такакейшёо, Озэки Такаясү-д унаснаар хоёулаа 12 даваа, 2 унаатай болов.
Энэ өдрийн барилдаанд Озэки Точиношин, Сэкиваке Митакэүмэ-г давж 8 даваа, 6 унаатай болж 50 хувийн амжилтаа хийсэн бол Тамаваши Д.Мөнх-Оргил, Такаинова А.Баасандоржийг давж 9 даваагаа авлаа. Такаинова-гийн хувьд 6 даваа, 8 унаатай болов. Сэкивакэ Ичиножёо А.Ичинноров өнөөдөр өрсөлдөгчөө давсан ч 6 даваа, 8 унаатай учраас 50 хувийн амжилтаа хийх боломжгүй болсон.
Энэ жилийн зургаан башёд хамгийн олон буюу 58 даваа аваад байгаа Озэки Точиношин сумочдоо тэргүүлж байгаа бол 56 даваатай Озэки Такаясү, 52 даваатай Сэкиваке Митакэүмэ нар удаалж байна. Ганц барилдаан үлдсэн Кюүшюү башёгийн түрүү бөх маргааш тодорч Японы эзэн хааны цом хүртэнэ.
О.ДАШ
