Өнөөдрөөс эхлээд орон нутаг дахь интернетийн үнэ болон хурд нийслэл хотынхтой ижил болж байна. Улаанбаатарт үйл ажиллагаа явуулж буй байгууллага, өрх 1Мbps интернетийг 13 мянган төгрөгөөр ашиглаж байхад орон нутгийн иргэд 55 мянга, байгууллагууд 75 мянган төгрөгөөр худалдан авдаг байсан юм.
Өөрөөр хэлбэл, орон нутгийн иргэд нийслэлчүүдээс 4-5 дахин бага хурдтай интернетийг 4-5 дахин илүү үнээр хэрэглэж байсан билээ. Тиймээс орон нутагт ижил үнэ, ижил хурдаар интернетийн үйлчилгээг хүргэхээр болсон. Уг ажлыг өнөөдрөөс албан ёсоор мөрдөж эхлээд байна.
А. САЯН
