Шведэд Монголын элчин сайд тогтохоо больжээ. М.Энхсайханыг хугацаанаас нь өмнө Монголын төр өөрөө эргүүлэн татсан бол түүний орыг залгасан туршлагатай дипломатч гэж үнэлэгддэг О.Энхцэцэгийг 14 хоногийн дотор нутаг дэвсгэрээ орхих шийдвэрийг Швед улс гаргав.
Түүнийг жуулчны визээр гэр бүлийнхнийгээ Швед улсад нэвтрүүлж, тэгэхдээ хуурамч мэдүүлэг үйлдсэн хэрэгт буруутгасан байна.
О.Энхцэцэг сайд. Монголын нэр хүндийг гутаалаа. Худал ярьж, худал мэдүүлж, залилсаны төлөө түүнийг, түүний авчирсан хүмүүсийн хамт нутаг дэвсгэрээсээ зайлуулах шийдвэрийг Швед улс гаргалаа. Ардчилсан, ёс зүйтэй улс ингэж шийдвэр гаргадаг юм гэдэг үлгэр дуурайллыг Монголчуудад хайрлалаа. Харин түүнийг эх орондоо ирэхлээр нь хохирогч мэтээр Монгол улс хандах вий дээ.
Ц.ХИШГЭЭ
