Баянгол зочид буудлыг цагдаагийн албан хаагчид бүслээд байна. Эх сурвалжуудын мэдээлж буйгаар, цагдаагийн тусгай албаны 30 гаруй албан хаагчид дөнгөж сая дотогш нэвтэрсэн бөгөөд үүдэнд нь бүрэн хамгаалалт гаргаж, хүмүүсийг өрөөнөөсөө гарах болон орохыг бүрэн хоригложээ.
Тус зочид буудлын оффисын хэсэгт УИХ-ын гишүүн Х.Баттулга, Л.Эрдэнэчимэг нар байгаа гэх мэдээлэл ч байна. Цагдаагийнхан чухам ямар хэргийн улмаас Баянгол зочид буудалд хамгаалалт гаргасан талаар одоогоор тодорхой мэдээлэл алга. Бид энэ талаар шуурхай мэдээлэх болно.
А. САЯН
