Баянгол зочид буудлын гадна талд сэтгүүлчид Х.Баттулга гишүүнээс мэдээлэл авах гэж хүлээх зуур УБ хотын захирагч Э.Бат-Үүл, АН бүлгийн дарга Б.Гарамгайбаатар болон Олимпийн аварга Н.Түвшинбаяр, Hero энтертайнментийн найруулагч Б.Баатар, Монголын жудо бөхийн холбооны тамирчид ирсэн байлаа.
Э.Бат-Үүл хэлэхдээ “Энэ талаарх мэдээллийг сошиал эх сурвалжаас аваад ирлээ. Ер нь бол нэгжлэг хийхэд тусгайгийнхан байх шаардлагагүй. Прокурор болон хөндлөнгийн гэрч байхад л хангалттай “ гэж хэллээ.
Энэ үеэр бид Х.Баттулгын охин Б. Номингоос юу болоод байгаа талаар тодруулахад "Эрүүгийн цагдаагийн газрын Эдийн засгийн гэмт хэрэгтэй тэмцэх албанаас цагдаа нар ирж, өрөөнүүдийг битүүмжилсэн байдалтай байна. Нэмж 500 цагдаа ирнэ гэж сонслоо. Өглөөнөөс хойш аавтай уулзаж чадаагүй л явна" гэж хэллээ Энэ үеэр Спортын холбооны тамирчид нэмэгдэж ирсээр байна. Бид мэдээллийг цаг тухай бүрт нь хүргэх болно.
А. САЯН