Яг энэ цаг мөчид УИХ-ын гишүүн Х.Баттулгын өрөөнд Эрүүгийн цагдаагийн газрын эдийн засгийн гэмт хэрэгтэй тэмцэх албанаас нэгжлэг хийж байна. Одоогоор дотогшоо хэн нэгнийг оруулж гаргахгүй хамгаалалтад авсан байдалтай байгаа юм. Баянгол зочид буудлын гадна хэвлэл мэдээллийнхэн болон спортынхон, жудогийн тамирчид зэрэг олон хүн цуглаад байна. Энэ үеэр цугласан хүмүүст Монголын залуучуудын холбооноос “Хар жагсаалт” нэртэй сонинг тараах гэсэн боловч Х.Баттулгыг дэмжигч нар болиулаад байна. Учир нь хэдхэн хоногийн өмнө Монголын Залуучуудын Холбооноос УИХ-д сонгож болохгүй “Топ 10 хулгайч”-ийг нэрлэсэн. Энэхүү жагсаалтад УИХ-ын гишүүн Х.Баттулга орсон байсан юм.
А. САЯН
