-Байна уу? Контрол.мн сайт уу?
-Байна. Та контрол.мн сайттай холбогдлоо.
-Намайг Ичинхорлоо гэдэг. Дорнодод төрж өссөн юм.
-Та сайхан өвөлжиж байна уу? Ямар хэрэг зоригоор та манайхтай холбогдов?
-Түмний-76-д нэр дэвшүүлэх гэсэн юм. Утсаар өгч болох уу?
-Болно. Та хэнийг дэмжиж байна?
-Эгч нь, Дорнодын Матад сумаас гаралтай, Монголын нэртэй сэхээтэн Г.Акимыг дэвшүүлье.
-За хүлээн авлаа. Орчуулагч Г.Аким гэж ойлголоо, зөв үү? Учир нь шалгаруулалтанд зохих ёсны тодотгол хийсний үндсэн дээр, шалгаруулалт хийх учиртай юм.
-Мөн мөн. -Эгч нь "Түмний -76" санаачилгыг ихээхэн дэмжиж буй. Маш зөв санаачилга. Энэ ажлыг эхлүүлсэн Та бүхэнд талархал илэрхийлье.
-Баярлалаа. Улс орон сүйрлийн ирмэг дээр иржээ. Энэ бол улс орноо аврах хөдөлгөөн. Улс орныг эзэд нь аварна. Өөр хэн ч үүнийг хийхгүй. Тиймээс улс орныг аврах, энэ ангалаас гаргах, хөгжлийн замд нь эргэн оруулах ийм л 76 хүнийг олж тодруулахыг зорьж байна. Иргэн бүрийн оролцоо чухал. Таныг саналаа өгсөнд талархлаа илэрхийлье.
-Дүү минь болж өгвөл, Акимтай холбогдож, эгчийнхээ саналыг дуулгаарай. Битгий ухраарай гэж хэлж байна гэж уламжлаарай.
-Ойлголоо. Олон сэхээтэн ухардаг. Ийм ч ажилтай, тийм ч бүтээлтэй гээд. Бид утсыг нь олж холбогдоё. -За, залуусаа та нар ч гэсэн зүтгээрэй. Бид дэмжинэ. Бидэнд л хайрлах нэг л зүйл бий. Энэ бол эх орон минь билээ. -Баярлалаа. Бид хичээнэ ээ.
/ Г.Аким. Орчуулагч, сэтгүүлч, эрдэмтэн. Орос, англи хэлийг эзэмшсэн. "Ил товчоо" сониныг үүсгэн байгуулж, хөгжүүлсэн. Сонингоо орхисон ч сэтгүүл зүйгээ орхиогүй гэж тэр хэлж буй. Тэрбээр сүүлийн жилүүдэд судалгааны олон бүтээл туурвисан. Хадны сүг зургийг ч судлан, сонирхолтой таамаглал дэвшүүлсэн эрдэмтэн./
Ц.ХИШГЭЭ