АСЕМ-ын зочдод үйлчлэх тогооч нарын ур чадварын тэмцээний эхний шат өнгөрөгч баасан гарагт “Их тэнгэр” цогцолборт боллоо. Дөрвөн шаттай үргэлжлэх энэхүү тэмцээний эхний хэсэг нь өглөөний цай бэлтгэх бөгөөд 12 зочид буудлын 40 гаруй тогооч оролцож, богино хугацаанд шинэлэг санаа бүхий, амт чанартай зууш, өглөөний хөнгөн хоол бэлтгэж өрсөлдсөн байна.
Мастер тогооч нарыг Өглөөний хоол, Ази-Европ хоол, Монгол хоол, Далайн хоол гэсэн дөрвөн үндсэн хэсгээр, тухайн зочид буудлуудын зардлаар сургалтад хамруулжээ. Ирэх 5, 6, 7 дугаар сард зохиогдох тэмцээний дараагийн үе шатууд дээрх ангиллын хүрээнд зохиогдож, нийлбэр дүнгээр тэргүүлсэн багт 10 сая төгрөгийн шагнал олгох аж.
А. САЯН