-Байна уу, Control.mn сайт уу? Байна уу, байна уу? булан уу?
-Байна, тийм байна. -Нэг мэдээ хүргэе.
-Тэг тэг. Та хаанаас холбогдож байна.
-МАН-ын төв байрнаас, бага хурлаас.
-Хурал ширүүн болж байна уу? -Үгүй дээ, намуухан. Завсарлаад орсон.
-Хурлын уур амьсгааг дүрсэлж хэлж болох уу?
-Сонин л хурал болж байна. Санаснаас нам гүм. Намын дарга Хүрэлсүх маань хэлсэн үгэндээ ороогдоож, нам дарагдаад.
-Юу гээд хэлсэн юм бэ?
-Их хурлын дарга бид хоёрын зөрчилдөөнийг зохицуулж өгөөч ухааны үгийг гишүүддээ хандаж хэлсэн.
-Тэгээд?
-Танхимын Лхагважав ганцхан үг хэлээд зогсоосон. Үндсэн хуулийн хүрээнд асуудал ярина шүү, бага хурлын гишүүд ээ! УИХ-ын дарга, Ерөнхий сайд хоёрын маргааныг бид шүүхгүй гэж хэлснийг танхим тэр чигээрээ дэмжсэн.
-Лхагважав ч боловсролтой хүн дээ.
-Тийм. Манай дарга дэндүү жулдаж байна.
-Уул нь бага хурлаар арай өөр, бодлогын чанартай асуудал хэлэлцмээр юм. Хамгийн наад зах нь унасан намынхаа нэр хүндийг яаж сэргээх вэ? гэдгийг бага хурлаар хэлэлцмээр юм.
-Уул нь бодлогын асуудал хэлэлцэх л учиртай даа. Бодлогын биш босгоны хэмжээний зүйл яриад байгаа юм аа даа, янз нь.
-Тийм. Нөгөөдүүл нь ч дуугарах юм алга. Нэг л дүмбийсэн, дүнсгэр хурал болж байна.
-Баярлалаа. Таны нэр овог хэн бэ?
-Шаардлагагүй. Утас бол харагдаж буй байх. Ах нь бага хурлын гишүүн. Олон ч бага хуралд оролцсон. Ийм хурлыг үзсэнгүй. За ах нь хуралдаа орлоо.
Ийм нэгэн яриа нэрээ хэлэхээс нууцалсан бага хурлын гишүүн бидний хооронд өрнөлөө.
Та бас мэдээлэл өгмөөр байвал, залгаарай. Миний утас 94498912 Ц.ХИШГЭЭ
