.jpg)
Хөвсгөл аймаг өнгөрсөн онд “Уул уурхайгаас ангид бүс нутаг” байхаа зарлаж, шинээр лиценз олгохыг зогсоож, үлдсэн газар нутгаа орон нутгийн тусгай хэрэгцээнд авч буйгаа тунхагласан. Гэвч “Уул уурхайгүй Хөвсгөл”-өөс ул уурхайн асуудал тасрахгүй байна.
Хөвсгөл аймгийн Цэцэрлэг сумын “Могойнгол”-ын нүүрсний уурхайгаас 50-60 тоннын даацтай хүнд оврын ачааны машинууд өнгөрсөн жилээс эхлэн өдөрт 60,70-аараа цуваа үүсгэн Эрдэнэт рүү хууль бусаар нүүрс тээвэрлэж байсан билээ. Гэвч энэхүү нүүрс тээвэр нь Эрдэнэт-Булган-Мөрөнгийнчиглэлийнхатуухучилттайхарзамыгэвдэж, сүйтгэхээс гадна Хөвсгөл аймгийн Хилэнтийн гүүрийг эвдрэхэд хүргэжээ.
Иймд нутгийн иргэд холбогдох хууль хяналтынхан болон мэргэжлийн байгууллагуудад хандсанаар нүүрс тээврийг түр зогсоогоод байгаа юм.
Учир нь SoilTrade ХХК, GioCad ХХК, АйСиТи Сайн Консалтинг ХХК зэрэг компаниуд Хөвсгөл аймгийн Бүрэнтогтох, Шинэ-Идэр, Цагаан-Уул, Төмөрбулаг сумдын нутагт газар ухаж, цооног өрөмдөх болжээ.Эдгээр компаниуд нь Хөвсгөл аймгийн Цэцэрлэг суман дахь Могойн голын уурхайгаас Эрдэнэт хүртэлх төмөр зам тавих Аспайр майнинг ХХК-ийн төслийн авто замыг барих гэж байгаа ажээ.
Ингэхдээ Төмөрбулаг, Шинэ-Идэр, Бүрэнтогтох сумдаас ямар ч зөвшөөрөл аваагүйн дээр Төмөрбулаг сумын засаг дарга зам тавихыг зөвшөөрсөн гэх захирамжийг хуурамчаар үйлдэн бусад сумдад үзүүлж явжээ. Тухайн үед сумын засаг дарга эзгүй байсан бөгөөд хуурамч гэдгийг засаг дарга өөрөө баталсан байна.
Иймд холбогдох хууль хяналтын байгууллагууд энэ асуудалд анхаарал хандуулж хууль бус үйлдлийг нь таслан зогсоохыг Хөвсгөлчүүд хүсчээ.
Хөвсгөл аймгийн иргэд Эрдэнэт-Овоот төмөр зам барих Аспайр майнинг ХХК-ийн үйл ажиллагааг байнга эсэргүүцдэг бөгөөд Хөвсгөл аймгийн 5-6 сумыг дамнуулан тавих уг төмөр зам нь эдийн засгийн ямар ч үр өгөөжгүйн дээр цэнгэг усны эх болсон Идэр, Тэс, Бүгсий, Сэлэнгэ голууд, түүний сав газрыг дагасан онгон дагшин байгаль, ан амьтныг сүйтгэж, малчдын амьдрал ахуйг сүйрүүлнэ гэж үздэг юм.
.jpg)
С.ЧИМЭГ
