Болох л ёстой үйл явц өрнөж байна. Парламент дахь улс төрийн намууд дотроо хуваагдаж, хагарсан. Аль аль намын төлөөллийг багтаасан гишүүд УИХ-ын даргаа огцруулахыг шаардаж, жагсаал цуглаан хийж, тэмцлээ үргэлжлүүлж байна. Энэ бол туйлын эрүүл саруул үзэгдэл гэж улс төр судлаачийн хувьд үзэж байна.
Олон жилийн идээ бээрээ өөрөө шахаж байна. Монголын нийгэм гарцаа эрэлхийлж байна. Түмний 76 хөдөлгөөн бол тун эерэг үзэгдэл. Улс төрийн нам чадварлаг, шилдэг боловсон хүчнээ эрж, олж, төрийн албанд томилох үүргийг хүлээдэг. Үүнийгээ улс төрийн намууд хийж чадахаа больжээ. Тиймээс "Түмний 76" бол намуудын хийж чадахаа больсон, орхигдуулсан энэ зайлшгүй хийх ёстой ажлыг хийхээс өөр аргагүй болсон байна. Нийгэм, иргэн, хүн бүр өөрчлөлтийг хүсэн хүлээж байна. Энэ мухардлаас гарахыг хүсэж байна. Гарцыг эрэлхийлж байна.
Ц.ХИШГЭЭ
