Оросын хилийг нэвтрэх Монголчуудын тоо хоёр жилийн өмнөхтэй харьцуулбал 2 дахин нэмэгдсэн гэж Оросын хилийн бүртгэлийн байгууллага мэдээллээ. Бараа эргэлтийн тоо ч хоёр дахин өссөн байна. Улаан-Үүд хотын нэгэн жижиг дэлгүүр бүтэн жилийнхээ орлогыг ганцхан өдөр биелүүлсэн гэдэг.
Тэр нь цагаан сарын өмнө очсон монгол худалдаачин бүх барааг нь "дарсантай " холбоотой гэж ярьдаг. Тэгвэл Буриад улс жижиглэнгийн худалдаагаар ОХУ-даа тэргүүлсэн гэдэг мэдээг ОХУ-аас Монгол улсад суугаа онц бөгөөд бүрэн эрхт элчин сайд Азизов.И.К дуулгасан нь санамсаргүй мэдээлэл биш юм.
Хэн хэн нь хэрэгцээгээ хангаж байна. Хоёр орны хоорондох визгүй зорчих систем ийнхүү хаана хаанаа үр дүнгээ өгч байгаа юм байна.
Ц.ОТГОНБАЯР
