Билгийн тооллын 17 дугаар жарны урвуулагч хэмээх шороон гахай жилийн сар шинийн баярт зориулсан цуврал барилдаануудын тов гарчээ.
1963 оноос эхлэн Малчдын баяр нэртэйгээр зохион байгуулагдаж битүүний өдрийн барилдаан өнөө жил анх удаагаа “Буянт-Ухаа” спорт цогцолборт зохион байгуулагдахаар болсон байна.
Сар шинийн баярт зориулсан бөхийн баяр энэ сарын 31-ээс эхлэх юм. Аймаг цэргийн цолтнууд болон сумын цолтон залуу бөхчүүдийн барилдаан бөхийн өргөөнд зохион байгуулагдах гэнэ. Битүүний өдрийн барилдааны билет худалдаанд гарсан бөгөөд Буянт-Ухаа спорт ордны кассаар худалдаж байгаа гэнэ.
Барилдаануудын хуваарь
2019.01.31 нд 12.00 цагаас өсвөр бөх болон нийтийн монгол шандастны барилдаан
2019.02.01-нд 12.00 цагаас Хавдрын эсрэг үндэсний зөвлөлийн нэрэмжит сумын цолтон, залуу бөхчүүдийн барилдаан
2019.02.02-нд Дашчойлон хийдийн нэрэмжит "Майдар бурханы авшиг түгээх баяр" Аймаг цэргийн цолтой 256 бөхийн барилдаан 14.00 цагаас
Сар шинийн баярт зориулсан Улс аймгийн алдар цолтой 256 бөхийн барилдаан хоёрдугаар сарын 04-ний 12:00 цагаас зохион байгуулагдах аж.
О.ДАШ
