Өөрийн фэйсбүүкдээ Х.Баттулга ингэж бичжээ. Тэр гомдсон бололтой, өөрийн ерөнхийлөгчдөө. Олон юм бичсэнгүй. Харин хэлбэл хэлчих юм их байгааг үг үсгийн хооронд тавьсан олон цэг илтгэнэ. Х.Баттулга өөрийг нь оролдоод байгаа хүмүүсийн мөрөөр нь орж, мөшгөж эхэлсэн бололтой. Өчигдөр ЦЕГ-ын дарга Чингисийг шалгуулна гэдгээ илэрхийлсэн. Н.Ганболд АТГ-ын даргын албан тушаалаа өгөөд зайлсан. Завсрын хүмүүс нь зайлаад, гол захиалагч руугаа Х.Баттулга ойртож буй бололтой.
Түүнийг улс төрөөс зайлуулах гэсэн биш, олон хүн хөлд нь үрэгдэх төлөвтэй гэж ажиглагчид дүгнэж сууна. Гол мөргөлдөөн эхлэх хараахан болоогүй гэж ч урьдчилан таамаглаж байна.
Түүний тухай томоохон нийтлэл бичсэн "Өдрийн сонин"-ыг шүүхэд өгсөн дуулдсан, өмнө нь. "Өдрийн сонин" алдаа гаргаснаа хүлээж "Залруулга" тавьжээ. Х.Баттулга бага багаар ялалтаа ахиулсаар байна.
Н.Алтанхуяг "Монголын төрийг хуйвалдааны төр" болгож буй хүн бий. Тэр хүний нэрийг хэлье гээд Ц.Элбэгдорж ерөнхийлөгч рүү нэр заан давшилт хийсэн анхны улс төрчөөр тодорсон бол, тус намаас ерөнхийлөгчөө нэр заан шүүмжлэх хоёр дахь улс төрч нь ил гарч эхэллээ.
Энэ бол нэгэн цаг өөрийг нь дэмжиж явсан Х.Баттулга юм.
Х.Баттулга, Н.Энхбаяр хоёрын хоёрын тухайд улс төрөөс ангид байлгах ёстой хүмүүс гэх ухааны санааг Ц.Элбэгдорж чулуудсаны дараахнаас хууль хүчнийхэн хөдөлгөөнд орж, Н.Энхбаяр, Х.Баттулгыг "агнах" ажиллагаагаа идэвхжисэн гэж хөндлөнгийн шинжээчид хэлэх нь бий.
Элбэгдорж ерөнхийлөгч одоохондоо таг чимээгүй боллоо. Түүний хумс хурууг тайрч эхэлсэн нь, ийнхүү дуугүй болоход хүргэв үү ? гэх ажиглагчид ч гарч иржээ.
Хууль, хүчнийхэн ч сануулга авч эхэлжээ.
Тоймч Д.ГАНТУЛГА
