CONTROL.MN мэдээллийн веб сайт үйл ажиллагаагаа эхэлснээс хойш 3 сар амжилттай ажиллаж ирлээ. Энэ хугацаанд амралтын өдрүүдийг алгасахгүй, тасралтгүйгээр улс төр, нийгэм эдийн засаг, эрүүл мэнд, боловсрол, байгаль орчин, спорт, урлаг зэрэг нийгмийн бүх л салбарын хүрээг хамарсан мэдээ мэдээллийг цаг алдалгүй уншигчдадаа бэлтгэн хүргэлээ.
Хүсэл зорилгоороо нэгдсэн мэргэжлийн салбарын сэтгүүлчид бидний хичээл зүтгэлийн үр дүнд өдөр ирэх тусам уншигчдын тоо өсч, Control.mn-ийн уншигчийн хандалт 20 мянгад хүрч байгаа нь эхний амжилт юм.
Control.mn ийнхүү мэргэжлийн салбартаа мөрөө татсаныхаа 3 сарын ой дээр албан ёсоор нээлтээ хийж, туузаа хайчиллаа. Ц.Энхбат захиралтай хамт олон нэгэн оройг олон зуун уншигч, дэмжигч, харилцагчдынхаа төлөөлөлтэй хамт өнгөрөөж уран бүтээлийнхээ тухай халуун яриаг өрнүүлэв.
Бид Монголын хэвлэл мэдээллийн салбарт нэгэн шинэ дуу хоолой болон мэндэлж, ирээдүйгээ өөдрөгөөр харж байна.
Сэтгүүлзүйн зарчмыг дээдэлж, эрх мэдэлтэн, эд хөрөнгөтөнд биш, эгэл түмэндээ үйлчлэхээр уншигч, иргэдийнхээ хамт шударга ёс, сайн ирээдүйн төлөө "Хяналтыг" тавьдаг, хэрэгжүүлдэг байхын тулд хичээн ажиллахаар ийнхүү уншигчдынхаа өмнө үүд хаалгаа нээлээ.