Хамгийн түрүүнд бүтцийн өөрчлөлт хийнэ Эрдэнэт үйлдвэрт өмнө нь 1995, 98 онд онцгой дэглэм тогтоож байсан. Санаж байвал АН Засгийн эрх барих үед тус үйлдвэрийн захирал Ш.Отгонбилэгийн өрөөг эвдэж орж байсан. Энэ удаа тус үйлдвэрт онцгой дэглэм тогтоосон гурав дахь үйлдэл болж байна. Үйлдвэрийн бүх эрх мэдэл Засгийн газарт шилжиж байна. Энэ бол онцгой дэглэм тогтоох үеийн мөрдөх юм гэж Үйлдвэрийн эрх мэдэл бүхий албан тушаалтан тодотгож байна. Мартын баярын өдрүүдэд Засгийн газраас томилогдсон баг ажиллаж, ирэх даваа гарагт Үйлдвэрийн шинэ бүтцийг танилцуулахаар зэхэж буй юм байна. Тэгснээрээ Эрдэнэт үйлдвэрийг бүхэлд нь хяналт, удирдлага дороо байлгаж ирсэн 49 хувийн эзэмшигч талын оролцоо, удирдлага, үүргийг хязгаарлана гэж Эрдэнэт хотоос Control.mn сайтад мэдээллээ. Үйлдвэрийн үйл ажиллагаа хэвийн явж буйг ч давхар илтгэлээ.
Ц.ХИШГЭЭ