Иван Яригины тэмцээнд Японы домогт бөх Ичог ялснаар Орхоны нэр цуу Дэлхийн бөхийн ертөнцөд гэрлийн хурдаар түгсэн. Тэр Ази тив, Азийн тоглолт, Иван Яригины тэмцээн, Дэлхийн аваргаас алтан медаль хүртэж, улс орныхоо далбааг мандуулж, төрийн сүлд дууллыг эгшиглүүлж, бөхөд хайртай Монголчуудынхаа цөсийг хөөргөж байсан. Түүнээс 2020 онд Токиод болох зуны олимпийн аваргыг хүлээж байсан.
Энэ бол Орхоны үзүүлсэн амжилтуудыг Интернет-д ийнхүү байрлуулсан. Тэгвэл үүний араас таагүй мэдээ цуварч эхэлсэн.
.JPG)
- 63 кг-ийн жингийн дэлхийн аварга, Индонезид зохиогдсон Азийн тоглолтын аварга Монголын бөх Пүрэвдоржийн Орхон нь допинг хэрэглэсэн нь лабораторийн шинжилгээгээр тогтоогдлоо. Тиймээс Олон улсын Олимпийн хорооноос допинг хэрэглэсэн нь тогтоогдсон Орхоны Азийн тоглолтоос авсан алтан медалийг хүчингүйд тооцож, хураан авах шийдвэр гаргасан тухайгаа албан ёсоор мэдэгдсэн байна.
Станазол хэмээх хүч тамир нэмэгдүүлэгчийг Индонезид зохиогдсон Азийн тоглолтын үеэр хэрэглэснийг ч тогтоосон (өнгөрсөн 9-р сарын 2) байна. Орхоны медалийг хурааснаас гадна, Орхоныг гадаад болон дотоодын тэмцээн уралдаанд оролцохыг бүрэн хориглосон шийдвэрийг Монголын Чөлөөт бөхийн холбоонд хүргүүлсэн тухай мэдээллийг Хятадын Синьхуа агентлаг Монцамэ агентлагийн мэдээг эх сурвалжаа болгон дэлхий дахинд цацсан байна. Түүний тэмцээнд оролцох эрхийг 4 жилээр хасаж, дээр нь шигшээ багийн тамирчидтай нэг дор бэлтгэл сургууль хийх эрхийг ч үүгээр хязгаарласан байна.
