Өчигдөр орой 22 цаг 55 минутад Старикс загварын автомашин Хөвсгөл нуурт осолджээ. Аймгийн Онцгой байдлын газрын Гал түймэр унтраах, аврах 69 дүгээр ангийн 5 алба хаагч, 1 автомашинтай очиж, нуураас эсэн мэнд гаргаж авсан байна. Өнөөдөр автомашиныг Хөвсгөл нуураас татаж гаргахаар ажиллаж байна.
Хөвсгөл аймгийн уугуул иргэд сүүлийн үед зам товчлох нэрээр зорчиж байгаад осолд орох нь ихсэж байгаа тул аймгийн онцгой комисс хяналт тавьж ажиллаж байна.
Тус аймгийн хэмжээнд энэ өвөл харьцангуй дулаан байсан тул гол мөрний ус эрт гэсч байгаа ажээ.
О.НОМИН
