Ардчилсан Намын удирдлагууд 2019 оны 3 дугаар сарын 26-ны орой буюу өчигдөр орой сэтгүүлчдэд мэдээлэл хийлээ. Энэ үеэр АН-ын хувьд "ардчиллын үнэт зүйлийг хамгаалахын төлөө тууштай зогсоно" гэдгээ мэдэгдэн 2019 оны 4 дүгээр сарын 04-ний өдөр Ардчилсан намын Онц Их хурлыг хуралдуулах болсноо зарласан юм.
Монгол Улсын Ерөнхийлөгчөөс өргөн мэдүүлж, УИХ-аар хэлэлцэхийг дэмжсэн Шүүгчийн эрх зүйн байдлын тухай, Авлигын эсрэг хуульд нэмэлт ,өөрчлөлт оруулах тухай хууль болон Прокурорын тухай хуульд нэмэлт өөрчлөлт оруулах хуулийн төслүүдийн талаар мөн намын удирдлагууд байр сууриа илэрхийллээ.
Уг Хэвлэлийн бага хуралд Ардчилсан намын дарга С.Эрдэнэ, дэд дарга Б.Пүрэвдорж, ерөнхий нарийн бичгийн дарга Ц.Туваан, нарийн бичгийн дарга С.Эрдэнэболд, ХЗДХ-ийн сайд асан Х.Тэмүүжин нар оролцсон юм.
