Төрийн өндөр албан тушаалтан болон тэдгээртэй адилтгах 282 албан тушаалтны 2018 оны ХАСХОМ-ийг АТГ-аас гаргаж, цахим хуудастаа байршуулжээ. Ерөнхийлөгч Х.Баттулга 2018 онд 40.9 сая төгрөгийн орлого олжээ. Энэ нь өмнөх оноос хоёр дахин нэмэгдсэн гэсэн үг. УИХ-ын дарга Г.Занданшатар өнгөрсөн онд 94.3 сая төгрөгийн орлого олсон нь өмнөх оныхоос буурсан байна. Тэрээр 2017 онд 169 сая төгрөгийн орлоготой хэмээн мэдэгдэж байжээ. Харин УИХ-ын даргын гэр бүлийн гишүүдийн орлого 27 саяас 133.4 сая төгрөг болж нэмэгджээ. Тэгвэл Ерөнхий сайд У.Хүрэлсүх 2018 онд 160.7 сая төгрөгийн орлого олсон байна. Харин гэр бүлийнх нь орлого ХАСХОМ-ийн мэдээллийн санд ороогүй байна. Төрийн гурван өндөрлөгийн ХОМ-ийн дэлгэрэнгүйг хүргэж байна.