2019 оны 4-р сарын 11-ны шөнийн 01 цагийн үед Завхан аймгийн Тэлмэн сумын харъяат сумын төвөөс 20 км зайнд орших малчны гэрт "Б" 26 настай эмэгтэйд яаралтай хагалгаа хийжээ. Малчин "Б" -гийн 2 дахь жирэмслэлт бөгөөд 36 долоо хоногтой байсан байна. Тэлмэн сумын ЭМТ-ийн их эмч Мягмаржаргал, Өнөтуяа нар нь Тосонцэнгэл сумын нэгдсэн эмнэлгээс эх барихын хагалгааны багийн тусламж дуудаж цаг алдалгүй яаралтай гэрт нь Кесерово хагалгаа хийснээр эх хүүхдийн амь насыг аварч чаджээ.
- Тосонцэнгэл сумын нэгдсэн эмнэлгийн дарга Эх барих эмэгтэйчүүдийн тэргүүлэх зэргийн их эмч Х.Цэцэгдэлгэр
- Мэдээгүйжүүлэг эрчимт эмчилгээний ахлах зэргийн их эмч Ц.Нарантуяа
- Мэс заслын их эмч Т.Пүрэвдорж,
- Эх барих эмэгтэйчүүдийн их эмч Д.Бадамгарав,
- Хүүхэд, Нярайн их эмч Д.Цэнгэлжаргал
- Хагалгааны сувилагч Ч.Оюун
- МЭЭ-ний сувилагч А.Цэрэндэжид /тэргүүлэх зэрэг/
- Нярайн сувилагч Ө.Алтанцэцэг /ахлах зэрэг/
- Жолооч Д.Баатарбилэг
Завхан аймгийн нэгдсэн эмнэлгийн мэдээгүйжүүлэгч эрчимт эмчилгээний эмч Г.Баярмаа хагалгааны дараах эмийн эрчимт эмчилгээг оновчтой түргэн шуурхай хийснээр 2 хоногийн дотор эхийн биеийн байдлыг сайжруулан тогтворжуулж Тосонцэнгэл сумын нэгдсэн эмнэлгийн эрчимт эмчилгээний их эмч Д.Лхамноржим эмчид хүлээлгэн өгөв.
Тэлмэн сумын эмнэлэгт эмийн эрчимт эмчилгээг 2 хоног үргэлжлүүлэн хийж ТНЭ-т тээвэрлэжээ. Тэлмэн сумын эх баригч Дуламсүрэн нь 4 хоног хажуугаас холдолгүй сахисан байна. Одоогоор эх хүүхдийн биеийн байдал сайн ЭХЭМҮТ-д эмчлүүлж байна.
Б.БАТ-ОРГИЛ
