Монгол улсын анхны Ардын уран зохиолч, төрийн 3 удаагийн соёрхолт, академич, эрдэмтэн зохиолч Ц.Дамдинсүрэнгийн 111 жилийн ойгоор нь түүнд зориулан хөшөө босгожээ.
Хөшөөний нээлт Үндэсний Цэцэрлэгт хүрээлэнд боллоо. Ц.Дамдинсүрэн зохиолч нь Монгол улсын төрийн дууллын үг, Монголын Нууц Товчоо зохиолыг орчин цагийн монгол хэлнээ буулгасан эрдэмтэн зохиолч юм. Тэрбээр Орос-Монгол-Орос хэлний толь бичгийг Лувсанвандан докторын хамт зохиосон хэл шинжлэлийн эрдэмтэн. Тэрбээр олон арван гадаадын зохиолыг эх хэлнээ хөрвүүлэн буулгаснаас С.Пушкины "Алтан загасны үлгэр" зохиолыг бултаараа мэдэх билээ.
Тэрбээр Дорнод аймгийн Матад суманд 1908 онд мэндэлсэн бөгөөд, 77 насандаа таалал төгссөн байдаг. Их эрдэмтэний "гэр музей"-г түүний шавь Отгонбаатар өнөөг хүртэл ажиллуулж буй.
Тэрбээр өнгөрсөн зууны ихэнх эрдэмтэдийн адил орос эхнэртэй амьдралаа холбосноос, үр хүүхдүүд нь Оросын Москва хотноо амьдарч буй. Аавынхаа 110 жилийн эрдэм шинжилгээний хуралд охин Анна нь ирж оролцсон. Анна охин нь аавынхаа эрдмийн мөрийг хөөж, Оросын ШУА-ийн Дорно дахины хүрээлэнд эрдэм шинжилгээ, судалгааны ажил эрхэлдэг.
Тэрбээр монгол хэлийг сайтар эзэмшсэн Оросын эрдэмтдийн тоонд ордог.
Үндэсний цэцэрлэгт хүрээлэнд хөшөөний нээлтээс...
Ц.ХИШГЭЭ