ТМ телевизийн "Комментатор форум" нэвтрүүлэгт оролцохдоо ;- Татварын багц хуулийг би олонтаа судалсан. Энэ бол олигархийг хөхиүлэн дэмжиж, ердийн ААН-д илүү дарамт үүсгэсэн хууль. Энэ хуулийн олон нийтийн хэлэлцүүлэгт би оролцсон. Тэр үед үзүүлж, харуулж байсан хуулийн төслийн амин сүнс нь алга болсон байна. 6 тэрбумээс дээш орлого бүхий компанид 50 тэрбум төгрөгийн татварын хөнгөлөлтийг хуулиар олгосон. Ийм хэмжээний орлого олдог цөөн компани Монголд бий. Голдуу уул уурхайн бизнес эрхлэгчид. Эдний сонирхол, захиалга энэ татварын хуулинд туссан байна. Ингэж хардах бас нэгэн үндэслэл бий.
Уул уурхайн компанийн орлогыг бүрэн дүүрэн тооцохыг бүрхэгдүүлсэн заалт оруулж, дээр нь нэмж, уул уурхайн компаниудын зардлын задаргааг нарийвчилж, өсгөх боломжийг энэ хуулинд зүйлчилж өгсөн. Тэгснээрээ, татварын энэхүү багц хууль нь гадаадын эдийн засгийн алуурчдын захиалгат хууль юм гэж татварын мэргэжилтэн, Татвараар дүн шинжилгээ хийгч ТББ-ийн зүтгэлтэн, эдийн засагч Сарантуяа онцолсон.
Та дэлгэрэнгүй мэдээллийг дараах нэвтрүүлгээс хүлээн авч үзээрэй. https://www.youtube.com/watch?v=K-VJDT74WZo
Ц.ХИШГЭЭ
