-Хэвлэлээр "балбаад", УИХ-аас тухайн гишүүний эрхийг Гантулгын адил түдгэлзүүлээд байх нь хортой. Нам, тѳр тогтворгүй болно.Ард иргэдийн сонгуульд оролцсон оролцоог үгүй хийх нѳхцѳл бүрдэж байна.
Ийм маягаар УИХ-ын 76 гишүүнээс олон хүнийг татаж болно. Тэгээд ч Гантулгын хэргийн асуудлаар шүүхийн шийдвэр эцэслэн гараагүй байхад нѳхѳн сонгууль явуулах нь хууль бус үйлдэл. Ийм оролдлогыг таслан зогсоох ёстой.Тиймээс би ЦЭЦ-д хандаж гомдол гаргасан гэж судлаач Ганхуяг ЦЭЦ-ийн дунд шатны хуралдаанд оролцохдоо тайлбарлалаа.
ҮХЦ-ын шийдвэр 17 цагт шийдвэрээ танилцуулсан. Цэц УИХ-ын тогтоол нь Үндсэн хууль зөрчсөн гэж үзлээ. Харин УИХ-ын гишүүнээс чөлөөлөх тухай 49 дүгээр тогтоолыг Үндсэн хууль болон бусад хуулийг зөрчөөгүй гэж үзэв. Ингэснээр Д.Гантулга бүрэн чөлөөлөгдөж, харин ирэх сарын 30-нд товлогдсон 42 дугаар тойргийн нөхөн сонгууль болох эсэх нь тодорхойгүй нөхцөл байдал үүсч байна. Одоо Үндсэн хуулийн цэц шийдвэрээ УИХ-д хүргүүлж, парламент 15 хоногийн хугацаанд хэлэлцэх юм. УИХ-ын гишүүн Д.Гантулга 2018 оны зургадугаар сард гишүүнээсээ түдгэлзэж байв. Үүнээс хойш нэг жилийн хугацаа өнгөрсөн ч одоог хүртэл тухайн тойргийн сонгогчид төрд төлөөлөлгүй байна. Өнгөрсөн аравдугаар сард нөхөн сонгууль болох байсан ч мөн л Цэц дээр маргаан үүсч хойшлуулж байв.
Ц.ХИШГЭЭ
