УИХ-д Хэнтий аймаг, Баянзүрх дүүргээс хэдэнтээ сонгогдож байсан төр, нийгмийн зүтгэлтэн Д.Арвин өнөөдөр хорвоогийн мөнх бусыг үзүүллээ. Тэрбээр сүүлийн жилүүдэд хүнд өвчин тусаж, Хавдар Судлалын Үндэсний Төвд эмчлүүлж байсан байна.
МАН-ын шударга гишүүний тоонд тэрбээр зүй ёсоор ордог байсан. Тэрбээр шударга үнэн үг хэлсний төлөө намдаа адлагдаж, улмаар 2012 онд МАН-аас гарч, АН-аас Баянзүрх дүүрэгт нэр дэвшин УИХ-д сүүлчийн удаа сонгогдож байсан түүхтэй.
Тэрбээр АН дотроо Ардчилсан Хүчний Холбооны идэвхтэй гишүүний нэг байсан. Үерхэл нөхөрлөлдөө үнэнч ийм журамтай монгол эмэгтэйн бодит дүр төрх байсан. 2016 оноос хувийн бизнесээ цэгцлэх ажилдаа орсон. Харин сүүлийн жилүүдэд өвчин нь хүндэрсэн учир ажил, албаа орхиж, эмнэлэг бараадаж явсаар өнөөдөр насан эцэслэлээ. 1959 онд төрсөн тэрбээр энэ жил 60 нас хүрч байсан юм.
Ц.ХИШГЭЭ