Ирэх сонгуульд сумогийн Их аварга Дагвадорж Монголын улс төрд хөл тавих сураг дуулдаж эхлэв. Сумочдоос өмнө нь Батбаяр УИХ-д сонгогдож байсан эхлэлийг тэр үргэлжлүүлэхээр зэхэж байна гэж эх сурвалж дуулгалаа. Түүний сонгож буй тойрог бол түүний төрөлх Өвөрхангай аймаг. Тэнд түүний амралт, жуулчлалын бааз бий. Бас түүнийг олноор дэмжигч фэнүүд нь амьдардаг. Нутгаараа энэ жил хэд хэдэн удаа зорчсон. Иргэдийнхээ амьдрал ахуйг ч дэмжсэн. Тэгвэл энэ удаад Өвөрхангай аймгийн төв Хархорин сумын нэгдсэн эмнэлэгт иж бүрэн тоноглогдсон, Япон улсад үйлдвэрлэсэн Эмнэлгийн Түргэн тусламжийн тэргийг гардууллаа. Тэрбээр УИХ-д сонгогдоход ганцхан шат даваа үлдсэн. Энэ бол АН -аас Өвөрхангай аймагт нэр дэвших эрх. АН-ын зүгээс УИХ, Нийслэл, Аймагт нэр дэвших хүсэлтэй гишүүддээ санхүүгийн босго тавьдаг уламжлалтай. Санхүүгийн босго бол Их аваргын хувьд асуудал биш. Дээр нь Монгол улс нэг тойрог гэсэн сонгуулийн хууль нь Их аварга шиг нэр алдар нь од мэт тэнгэрт түгсэн хүнд туйлын тааламжтай. Энэ үүднээс харвал 2020 оны УИХ-ын гишүүн эхнээсээ ийнхүү тодорч байна.
Ц.ХИШГЭЭ
