1980аад оноос эхлэн булимиа хэмээх энэхүү эмгэгийг нээснээр таны амьдралын хэв маягаас үүссэн таргалалт уу эсвэл хоолны дуршил өөрчлөгдөх эмгэг үү гэдгийг ялган салгах шаардлага эмч нарын өмнө гарч ирсэн байна. Bulimia nervosa гэдэг бол хоолыг хяналтгүйгээр их хэмжээгээр идээд бөөлжих, туулгах, мацаг барих, дасгал хийх зэргээр үүнийхээ хор нөлөөг арилган жингээ барих гэж оролдох голчлон эмэгтэйчүүдэд тохиолддог мэдрэл сэтгэцийн эмгэг юм. Энэхүү эмгэгээр өвчилсөн хүмүүс идэх зүйл юу л байна тэр болгоныг идэж байдаг бөгөөд хэт их идэлт нь эргээд тухайн хүний эрүүл мэндэд сөргөөр нөлөөлдөг байна.
Уг өвчний тохиолдол жил ирэх тусам дэлхий даяар нэмэгдэж байгаа бөгөөд одоогоор нийт өсвөр насны охидын 2 хувь нь уг өвчнөөр өвдсөн гэсэн судалгаа гаржээ. Булимиа өвчнөөр өвдсөн хүн бүр тарган байдаггүй бөгөөд хэт их бөөлжих, туулгах бэлдмэл хэрэглэснийхээ улмаас зарим нь тураалтай ч байж болдог тул тарган байх нь уг өвчний оношилгооны шалгуур биш юм. Харин өөрийн мэдэлгүй хэт их хоол идсэн байдаг, ойр ойрхон буюу 2 цаг тутамд хоол идмээр санагддаг, хоол идэж байх үедээ бүрэн таашаалыг мэдэрдэг, үүнийхээ дараа бөөлжүүлэх суулгах эм уух, олон цагаар дасгал хийх зэрэг арга хэмжээ авдаг бүсгүйчүүд сэтгэцийн эмчид хандах хэрэгтэй.
Уг өвчнөөр өвчилсөн нэгэн эмэгтэйн 1 өдрийн хоолны цэсийг харцгаая. Калифорний их сургуулийн эмнэлэгт эмчлүүлж буй Лиза Арндтийн нэг өдрийн хоолны цэс:
Лиза таргалалтаас ухаангүй айдаг боловч одоог хүртэл энэ дуршил нь хэвээрээ л байгаа аж. Учир нь түүний сэтгэц энэ бүхнийг кодлож байгаа тул огцом шууд хоолыг нь хориглох нь олон эрсдэлийг дагуулна гэж эмч нар үзжээ. Харин тэрээр одоохондоо сэтгэл заслын эмчилгээ болон хоол зүйчийн хяналтанд байгаа аж.
ЭХ СУРВАЛЖ: HIDOCTOR.MN ЭРҮҮЛ МЭНДИЙН НЭГДСЭН ПОРТАЛ САЙТ
