Би Увсаас 10 жил дараалан өөр өөр бүх түрүүлэх боломжтой гэж арав гаруй жилийн өмнө хэлж байсан. Түүнээс хойш улсын начин, харцагууд, дээр нь аймгийн арслан түрүүлж улсын арслан цолонд ээлж дараалан хүрсэн. Одоо эдний хэн нь дахин түрүүлэх вэ? гэдэг асуудал сөхөгдөж байна. Санжаадамба, Мөнхбат, Сумьяабазар нар их ойгоор түрүүлж улсын аварга болцгоосон. Тэгэж байж 3 аварга нэмэгдсэн. Харин Эрхэмбаяр, Батсуурь, Оюунболд нар завсартайгаар хоёрдахиа хоёр түрүүлж улсын аваргын эгнээг өргөтгөлөө. Ойрын жилдээ улсын наадмын үзүүр түрүүг эдгээр арслан, аваргууд л булаацалдах болно. Тэднийг сүлжиж гарч ирэх, тэр байтугай заан цолонд ч хүрэх нь амаргүй даваа байх болно. Улсын баяр наадамд 10 удаа, тэр дундаа улс хувьсгалын гурван удаагийн тэгш их ойн наадмын гурван их ойд түрүүлсэн хөдөлмөрийн баатар, дархан аварга Х.Баянмөнх ингэж дүгнэлээ.
Э.ОТГОО