Ийм үг бөхчүүдийн дунд гарсан байсан. 2016 оны Улсын баяр наадмаар өөрийн хүндэлж явдаг Мөнгөнбаатар арслантай тавын даваанд тунасан. Ийм мундаг бөхөд унасан ч харамсахгүй, санасан мэхээ хийгээд, шударга өрсөлдье гэж санасан. Харин өөрөөсөө сул өрсөлдөгчтэй хүч үзэн өвдөг шороодвол харамсана л даа. Өмнө нь түүнтэй 3 удаа таарахдаа өрсөж мэх хийн, хариу мэхэнд орж унаж байсандаа дүгнэлт хийж, хүлээцтэй, тайван, тогтож барилдахыг илүүд үзсэн.
Мөнгөнбаатар арслангаар давж улсын цолд хүрсэн тэр агшинг мартахын аргагүй. Цолны болзол хангачихаад, есөн хөлт тугаа тойрон дэвж байхад үгээр илэрхийлэхийн аргагүй мэдрэмж төрдөг юм билээ. Хамгийн залуу начингийн хувьд даагаар нэмж шагнуулсан. Шударгаар улсын цолонд хүрсний хувьд бусад бөхийг ч шударгаар улсын цол хүртээсэй гэж хүсдэг.
"Өнөөдөр" сонин, сэтгүүлч Х. Уянга