Ерөнхий сайд М.Энхсайханы багийн гишүүн, МҮАН-ын лидерүүдийн нэг О.Сономпилд 4 жилийн хөнгөн ял эдлүүлэх, 226 сая төгрөгийн торгууль тавьсан шүүгчийн тогтоол гарсныг иргэд дургүйцэн хүлээн авч байна. Албан тушаал, эрх мэдлээ урвуулан ашигласан, авилга авсан нь тогтоогдон шүүхээр таслагдсан О.Сономпил нь ах Чимэдцэрэнгийн( ослоор нас барсан ) нэр нөлөөгөөр УИХ-д орж ирж, ахынхаа "Залуу Монгол" корпорацийг нь түшиглэж бизнесээ өргөжүүлсэн нэгэн. Тэрбээр Эрчим хүчний сайд, Батлан Хамгаалах Яамны сайдаар удаа дараа ажиллаж байхдаа яамныхаа тендер болон бусад худалдан авалтуудад авилга үйлдэж байсныг шүүх тогтоож, шийдвэрээ гаргалаа.
.jpg)
Гэвч ердийн хөнгөн нөхцөлд 4 жил ял эдлэх , дээр нь 226 сая төгрөгийн торгууль төлөх нь хууль бусаар хөрөнгөжсөн Сономпилийн хувьд "инээдтэй торгууль" гэж иргэд дүгнэж байна. Түүнийг 4 жилийн ялаа ч эдлэхгүй, хоёр жилийн дараа Улс хувьсгалын 100 жилийн ойгоор өршөөлийн хуулиар суллагдахаа мэдэж буй ч гэж таамаглаж байна. Тиймээс төрийн өндөр албанд байхдаа авилга авсан, улсын хөрөнгийг шамшигдуулсан хүмүүсийн хөрөнгийг нь улсын өмч болгон хурааж, бүх насаар нь хорьдог, өршөөлд хамруулдаггүй хуулийн хатуу заалттай болох нь зөв гэж шударга ёсыг хүсэж буй иргэд хэлж байна.
О.НОМИН
