Монгол Улсын Ерөнхийлөгч Х.Баттулга энэ сарын сүүлээр АНУ-д айлчлал хийхээр төлөвлөжээ. 7 сарын 30-нд эх орноосоо хөдлөн очих уг айлчлал нь нийт 4 өдөр үргэлжлэх байна. Уг айлчлалын үеэр Монголын ноос ноолууран бүтээгдэхүүнийг татваргүй оруулах асуудлаар АНУ-тай яриа хэлэлцээ хийхээр болжээ.
Энэ оны дөрөвдүгээр сарын 11-ны өдөр АНУ-ын Конгрессын нэр бүхий гишүүд Монгол Улс-АНУ-ын хоорондох оёмол, сүлжмэл бүтээгдэхүүний худалдааг нэмэгдүүлэх зорилготой гуравдагч хөршийн худалдааны хуулийг дахин хэлэлцүүлэхээр АНУ-ын Конгресст өргөн барьсан юм.
Мөн үүний зэрэгцээ, Монгол Улсын Ерөнхийлөгч Х.Баттулга Стратеги, Олон улсын судалгааны төв буюу CSIS хүрээлэнгээс зохион байгуулж буй Global Leaders Forum-д оролцож, "АНУ-Монгол Улсын ирээдүйн харилцаа" сэдвээр илтгэл тавихаар болсон байна.
