Урин дулаан цаг ирж, аялал зугаалгын цаг эхэлсэнтэй холбогдуулан уншигч та бүхэнд аяллын турш хамгийн чухал найз, хамгийн чухал эд зүйл болдог нарны тосны талаар дэлгэрэнгүй мэдээлэл хүргэе. Хэдий бид нарны тосны ач холбогдол, ямар чухал ач холбогдолтой болохыг ойлгодог болсон ч маш олон төрлийн тэмдэглэгээ, олон төрлийн нарны тос таныг эргэлзүүлж байгаа бол доошоо гүйлгэн анхааралтай уншаарай.
Нарнаас маш олон төрлийн туяа ялгардаг. Түүний нэг нь бидний хэлж заншсанаар хэт ягаан туяа билээ. Энэ туяа нь бидний арьс, үс гээд бүрхүүлийг гэмтээж байдаг. Нарны хэт ягаан туяаг хүмүүс зөвхөн зуны, халууны улиралд л өөрт нь нөлөөлдөг гэж боддог. Гэтэл уур амьсгал, температураас үл хамааран нар байгаа цагт хэт ягаан туяа бидний арьсыг гэмтээж байдаг. Арьс бол хүний биеийн хамгийн том эрхтэн бөгөөд аливаа халдвар, өвчлөлөөс хамгаалж байдаг билээ. Арьс нь зөвхөн нарны хэт ягаан туяанаас биш, салхи, халуун уур амьсгал зэргээс үүдэн бохирдож гэмтдэг. Иймээс бид жилийн турш өглөө, өдөр хамаарахгүй нарны тосыг хэрэглэж хэвших нь зүйтэй. Юуны өмнө та бүхэн арьс хамгаалах бүтээгдэхүүнтэй холбоотой нэр томьёонуудыг мэдэх хэрэгтэй.
SPF- Энэ нь нарны хэт ягаан туяанаас хамгаалах хамгаалалтын нэгж юм.
UVB- туяа нь гэдэг нь арьсны өнгөн давхарга дээр л нөлөөлж буудаг ба улаалт, түлэгдэлт, арьсны хорт хавдар үүсгэнэ.
UVA туяа нь арьсны гүний давхарга луу ордог ба хөгшрөлт, үрчлээг үүсгэдэг.
SPF- Энэ нь UVB туяанаас хамгаалах хамгаалалтын нэгж юм.
Одоо тэгвэл нарны тосны савлагаан дээр байдаг тэмдэглэгээнүүдийг тайлбарлая!
3.Хамгийн сүүлийнх нь PA гэх тэмдэглэгээ бөгөөд энэ нь UVA туяанаас хамгаална. PA+ – бага зэрэг, PA++ – дунд зэрэг, PA+++ сайн гэсэн утгатай байдаг.
Тэгэхээр нарны хамгаалалтын бүтээгдэхүүн BROAD SPECTRUM & SPF эсвэл PA+++, SPF гэсэн тэмдэглэгээнүүдтэй байхад болох нь ээ. Уншигч та нарны тосоо сонгохдоо дээрх зөвлөгөөний дагуу, өөрийн арьсандаа тохируулан сонгоорой.
Эх сурвалж: www.hidoctor.mn Эрүүл мэндийн нэгдсэн портал сайт
